18 maggio 1916

El dicioto maggio milinovezentosedese
l’era ‘n bel dì de primavera
nessun penseva de ‘sta zent
che ‘l moviment el fus iminent

L’era le sete via là lontan lontan
le ali distese de’n areoplan
zà se vedeva e po’ altri do
che vers Brentonech i vegniva zò

Se sente alora ‘n gran strepito de seroni
de porte ‘n furia e de balconi
e de persone en gran fuggi fuggi
zò per le caneve e nei rifugi

Poi en bom potente
el fa tramortir tuta ‘sta zente
passà no’ l’è gnanca n’ora
che n’altro fischio per aria se sente ancora

no l’è ‘na bomba de n’areoplan
la dis ‘sta zent
questo l’è ‘n colpo che ven da lontan

Se vede alora soldai e pompieri
ensieme de tanti carabinieri
mandai de corsa fora per le strade
via per le contrade dentro per le case

a gridar: via scampè
dei superiori l’ordine l’è
via subit senza aspetar
la pele vostra pensè de salvar

O gran momento o dura prova
alto è il lamento della notizia nuova
se alza la zente del povero alpin paese
che assai sperando i va nelle difese

Nò i lasa temp de far discusion
e longa scominzia la procesion
mame se vede con puteloti picoi en fasce
putei e putele cargai de straze
che soto i brazi e sule spale i porteva pachi e valise
con dentro de tuto calze e camise

Uno con l’altro ciamar se sente
mentre quei picoi i se tira arente
dela so mama e del so pupà
e i ghe domanda dove se va

Lori ghe risponde con ‘na careza
opur disendoghe: tasi beleza
‘n dove che nem ti no’ sta pensar
arsvelto camina e no’ starte a stracar

I va ‘sti miseri scampai da morte
fati aversari dala misera sorte
e i se volta ‘ndrio a vardar el natìo logo
l’è là che ‘l brusa tra ‘l fumo e ‘l fogo

E i ghe dis
commossi e forti:
addio casa addio chiesa
addio roba addio morti

No i se desmentega tra questi guai
de quei che i è invalidi o che i è malai
che sui rotabili via i li trasporta
e resta Brentonico squallida e morta

Che via crucis quanta pasion
epur ‘sto popolo credente e bon
l’ha fat tuta la strada sassosa e dura
finchè comparve sudando su a San Valentin e po’ zò ‘n pianura

Zò a Avi pars dei nobili: semo za zerti
che lazò troverem dei brazi averti
sentiren a dir: vegnì creature
che ve dago alozo conforti e cure

Enveze uno ‘l ne diseva: no gò posto
colaltro no gò logo
colaltro: no gò la legna per far el fogo
o con un insulto i ne pareva via
raccomandandone a Gesù e a Maria

Gh’era tanti palazi vodi e serai
ma noialtri en dovest nar for per i prai
al largo al’erba al temp dele ombrele
al’albergo dele bele stéle.

Poveri profughi che acampamento
esposti al’acqua al’aria e al vento
da lì a tre dì sul treno i n’ha montai
e zò per l’Italia i n’ha tuti scarmenai

L’è sta en triste pellegrinaggio
dopo quel famoso disdoto de maggio
de fati putei e putele omeni e done
veci e vece en gran silenzio i g’ha sopportà
sempre dicendo da rassegnà:
di tanto spirito e da fratellanza
sarà ben lunga la ricordanza.